دركي بخميس متوح يتعرض لطعن بالسيف ودهس بالسيارة من قبل ابن اخ برلماني بالجديدة
هاد الشي كخيلع البارح دركي فرشخوه بزنازة بكيسر ضواحي سطات ، اليوم مع 10 ديال الصباح براج جدرامية ديال خميس متوح بمنطقة بوعلالة ، وقفوا سيارة باش يتحقو من الاوراق ديالها ، نزل واحد شخص منها عندو روشيرش في قضايا الاتجار المخدرات وهاز السيف ضرب الدركي الوجه وصاحبو داز من فوقو بالطومبيل ، واطلقو العنان لوجهة مجهولة ، من بعد تبين انه ولد خو برلماني معروف بإقليم الجديدة وضاسر بزاف ديما كيتعدى على الناس ، وعندو بزاف الشكايات .
بعدما وصل الخبر القيادة الجهوية الدرك اقليم الجديدة استنفرت عناصر للبحث عن ابن الاخ ديبال البرلماني وشريك ديالو وضعو سدود قضائية في كاع الطرق باش يطيحوهم .
الدركي نقلوه عبر سيارة اسعاف في حالة خطيرة الى سبيطار محمد الخامس بالجديدة ، من تم تم ارساله الى المستشفى العسكري بالرباط حد الزميل ديالو في المهنة ديال قضية كيسر .
النيابة العامة المختصة بالجديدة عطات التعليمات في هاد النازلة .
