سفاح ابن أحمد.. التحقيق سالى والملف فطريقو للجنايات
فواحد التطور جديد فملف ما ولى معروف إعلاميًا بـ”سفاح ابن أحمد”، سالا قاضي التحقيق بالغرفة الثانية مرحلة التحقيق التفصيلي مع المتهم (س.ع)، واللي كيتابع فواحد القضية اللي هزات الرأي العام المحلي، وخلفات صدمة كبيرة وسط الساكنة.
القاضي وحسب مصادر مطلعة، حط الملف رسميًا عند الوكيل العام للملك باش يدير الملتمس ديالو الأخير، وهي مرحلة قانونية كتسبق إصدار أمر بالإحالة على غرفة الجنايات الابتدائية.
هاد الخطوة كتقرب المتهم كثر من لحظة المحاكمة، خصوصًا أن القانون كيخول للقاضي يقرر الإحالة بلا ما يكون ضروري يحضر المتهم، وهو ما كيساهم فتسريع وثيرة البت فهاد الملف اللي متابع فيه (س.ع) بتهم ثقيلة، من بينها القتل العمد بسبق الإصرار والترصد.
القضية بقات كتشد اهتمام الرأي العام، خصوصًا فمدينة ابن أحمد والنواحي، واللي كيتسناو يشوفو العدالة كتدير خدمتها وتكشف كل التفاصيل المحيطة بهاد الجريمة اللي ولات حديث الساعة.
