صرخة حراس الأمن الخاص بالمستشفى الاقليمي بن جرير
حنا حراس الأمن الخاص، واقفين ليل ونهار، كنسهرو على سلامة المؤسسات والمواطنين، ولكن اليوم ولات حياتنا مهددة بسبب حرماننا من أجورنا لمدة شهرين كاملين!
فين هي المسؤولية؟
فين هو الضمير؟
كيفاش عامل بسيط يعيل أسرة كاملة بلا مدخول؟!
راه ماشي غير تأخر فالأجر…
راه معاناة يومية، تشريد لأسر، وضغط نفسي كبير كيتحملوه رجال خدامين بشرف.
حراس الأمن اليوم معتصمين بشكل سلمي، كيطالبو غير بحقهم المشروع فالأجر ديالهم!
ولكن رغم ذلك، حتى شي مسؤول ما تحرك ولا تفاعل، وكأن الأمر ما كيعني حتى واحد!
كنطالبو بشكل واضح وفوري:
– صرف جميع الأجور بدون قيد أو شرط.
– احترام حقوق حراس الأمن الخاص
نداء لكل ضمير حي، ولكل منبر إعلامي، ولكل مغربي حر:
شاركو هاد المنشور باش يوصل صوتنا… راه كرامة العامل خط أحمر!
