حقيقة لا توجد عندي كلمة تصف الوضع اللذي وصلنا اليه ، كلامي موجه للمسؤولين خاصة والمواطن المغربي بمدينة العيون الحبيبة
بإختصار كنا نقوم ب الف تحليلة فاليوم وتمون النتائج ما يقارب 30 حالة ايحابية فالمتوسط
الآن نقوم ب حوالي 500 تحليلة ونجد اكثر من 100 حالة ايجابية فاليوم
هدا يفسر عدد الوفايات اللي ارتفع ببساطة لفيروس ولا كيوصل لعدد كبير من الناس اللي مناعتهم ضعيفة

وفنفس الوقت عدم الوعي بالخطر والإستهتار من طرف المواطنين زاد بشكل كبير وغير مفهوم بين المواطنين
علاش وكيفاش ديجا دويت فهاد الشي وشرحت الأسباب ومفيها باس نزيدو نشرحو شي شويا

بلمهدي والمصالح المنخرطة فمحاربة الجائخة تعيش السكتة القلبية بعد ما الأصدقاء والزملاء اللي كانو هازين الدقة شي مرض شي طيحو كوفيد شي ديبريما وشي مات الله يرحمو
او واحد الفئة اللي مخبيا وعمرها ضربات الضربة فهاد الشي معرفتش فين غادي نحطهم صراحتا وحنا اصلا قلال واصبحنا الآن نعد على الأصابع
هاد القوم وضعاف النفوس والمرتزقة اللي جمعو تروة من هاد الأزمة قوم اخر
هاد نفس الأشخاص اللي محتلين مناصب جد جد حساسة فحلقة كوفيد عندنا فالمدينة طبعا تسييرهم للمرافق اللي هوما على رأسها ريحتها عاطية على بعد كيلومترات كيفاش متحركوش مساطر والمتابعة ديالهم قانونيا والعقاب ديالهم الله اعلم
وهنا اشيد
اما نقص المعدات والأدوية والأسِرّة والأكسجين ووووو ……… فهي على كل لسان

هاد الخليط من عدم الكفائة ودنائة بعض النفوس من الرشايوية واحتراق الشرفاء نفسيا و عضويا ومهنيا وابتعادهم عن المسؤولية للحفاض على نضافة وطهارة ايديهم وزائد ان الصحة لم تكن في يوم من الأيام عندها الأولوية وطبعا كان خاصنا كوفيد باش يعري على المستور هاد الخلطة السحرية هي المعادلة اللي عطاتنا النتيجة اللي حنا فيها دابة
ارقام وحقائق كافية انها تطير النعاس من عين اي واحد عندو ضمير
الثمن طبعا ارواح غالية وعزيزة كتمشي كل يوم

الله يرحم من مات وشافي اللي مريض ويلطف بينا

#إقليم-العيون-يختنق