الفرقة الأمنية الولائية للضابطة القضائية كازا اعتقلت موثقة سابقة ببرشيد وطيحت ريزوا ديال تجار الذهب متخصصون في الشيكات المزورة .

الفرقة الأمنية الولائية للضابطة القضائية كازا اعتقلت موثقة سابقة ببرشيد وطيحت ريزوا ديال تجار الذهب متخصصون في الشيكات المزورة .
الرباط : مجلة 24

موقع مجلة 24 جاب معلومات من مصدر موثوق ،أن الفرقة الامنية الولائية ديال كازا دارت كمين لي موثقة سابقة بمدينة برشيد ،كانت مبحوث عنها على الصعيد الوطني، بسبب تهمة التزوير وخيانة الأمانة وإصدار شيكات مزورة تعود في ملكية زوجها دون علمه المقيم بديار الفرنسية، التحقيقات ديال البوليس طيحت الشركاء ديالها بكازا البعض منهم تجار ببيع الذهب لكانوا يسلفوها الفلوس بالفائدة، بعدما تعطيهم الشيكات مزورة بتوقيع منها على سبيل الضمانة في اسم زوجها، العدد ديال الشيكات 90 شيك بمبالغ يفوق 500مليون سنتيم .
في نفس السياق كشفت الأبحاث أن أكثر من 20 شيك مزور صرفاتو المتهمة من البنك ديال زوجها دون التحقق من التوقيع، والقضية فيها شبهات التواطئ مدير البنك لي حتى هوا غادي يفتح التحقيق في حقو الأيام المقبلة بسبب المسؤولية التقصيرية.

وفق المصدر ذاته أن أربعة أشخاص من المشبه فيهم ضمن الشبكة، قاموا بحجز ممتلكات الضحية بمدينة سطات على شكل عقارات في ملكيته في زمن قياسي لي حتى هما غادي يستمع ليهم قاضي التحقيق.
الأبحاث والتحريات لازالت متواصلة باش تفكك هاد الريزو لي متخصص في البيع والشراء في الشيكات وحجز ممتلكات الغير دون علمهم.
وفي هدا الصدد تم إيداع المتهمة بسجن عكاشة في حالة اعتقال من طرف قاضي التحقيق ديال المحكمة الزجرية عين السبع، ولي لحد الساعة مزال الشركاء ديالها عند قاضي التحقيق يبحث معاهم في صك الاتهام الموجه ليهم.
يتبع…..

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *