الرمضاني يقصف أبو زعيتر بسبب رخصة استغلال الملك البحري بمارينا سمير

الرمضاني يقصف أبو زعيتر بسبب رخصة استغلال الملك البحري بمارينا سمير

مجلة 24 : مكتب تطوان

قصف مؤخرا الصحفي رضوان الرمضاني مدير موقع ميد راديو الإخوة أبو زعيتر، بسبب الضجة التي أحدثوها بعمالة المضيق الفنيدق بسبب رخصة استغلال الملك البحري بمارينا سمير و استغلاله لقربه من الملك بحسب تعبيره، معلقا على هذه القضية بصفحته الشخصية بموقع التواصل الاجتماعي الفيسبوك قائلا:

كاع دوك اللي تسمعوهم كيجبدو سميّة الملك، بمناسبة وبدون مناسبة، ما تِّبقش فيهم، خصوصا يلا كانوا من السياسيينو،

ما يمكنش هضرة جوج الملك الملك الملك، بحال يلا خدمتك ومهمتك ودورك هي تبعّد عليك العافية وتلوح الكرة للملك

يضيف الرمضاني في ذات السياق “أسيدي حنا عارفين الملك وعارفين قيمة الملك وعارفين دور الملك، وحامدين الله أنه كاين فهاد البلاد الملك حيث كون كنا منا ليكم كون كليتونا وضحّكتو فينا الأمم
من جهته وجه الرمضاني رسالة صريحة للمسؤولين و دعوتهم للعمل وخدمة الوطن بكل الوسائل المتاحة قانونيا من خلال رسالته التالية : “ولكن يا المسؤول ويا السياسي راك فبلاصتك باش تخدم بلادك ودير واجبك ماشي كل جملة الملك الملك الملك” 
الملك راه داير خدمتو إيوا دير فيك النفس ودير خدمتك حتى انت…
هاد الأسلوب فيه بزاف ديال قلّة العفّة…
اللي بغى يهرب من المسؤولية يجبد سميّة الملك… واللي بغى يبان واعر يجبد سميّة الملك… واللي بغى يقضي شي مصلحة ويدِّي شي رخصة يجبد سميّة الملك… وبزاف على قلة الحيا هي هادي…
منهيا تدوينته بعبارة “جمعو راسكم شوية، وخلّيو الملك فالتيقار… واللي عندو شي سربيس يديرو ويهنِّينا… وحتى دوك المسؤولين اللي دغيا كيتخلعو راه ما فيدّهمش… حيث اللي ما كيديرش ما كيخافش…
أما اللي كيستغّل سميّة الملك باش يدير بريكولات بحال شي انتهازي ملهوف فهاداك فات الحدود ديال البسالة والوقاحة… ومنهم داك “الزعتر” ديال بوزعيتر… عيّقتي!!!

الرمضاني استفزه موضوع أبو زعيتر لشيء وحيد هو طغيان التمييز في هذا الموضوع وكأن المغاربة ليسوا سواسية في هذا الوطن، أو أن أبو زعيتر فوق القانون مستعملا فزاعة قربه من دوائر القرار، لترهيب بشكل غير مباشر المسؤولون الترابيون لتلبية حاجياته وقضاء مآربه ولو فيها خرق للقانون، واصفا الأمر بالمهزلة والشوهة وفق تعبيره. 

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *