عمود الأسبوع الشن الطن: الصحافي السواقي

عمود الأسبوع الشن الطن: الصحافي السواقي
بقلم: أبو ثعلبة

كان حتى كان.. في عصر كله خسران.. أن ظهر بين الناس كعلم عندو قلم، دار بيه صحافة الهركاوي في البحث عن فولات الحولي.
هو ليس بكاوري بل هو هركاوي من قبيلة بني هركن أنا نبركم وانت فهم.
الهركاوي يا ناس، كعلم ما تشفو باس. ما عندوش مع تربية الدراري ولا تحضير الدروس، في قواعد اللغة والنشاط الذهني والرياضي. حيت غادي جاي او جاي غادي، فطاكسي فيه بوصفير حاضي غير العصير.
نجيوكم من لخر علاش ضرب لخليفة الطر أو ما رعى ما احشم. حيت خونا كان باغي حقو فالكفة من الزيت والدقيق والسكر وأتاي بحالو بحال دوك الفقرا ما عندهم لا حنين لا كريم سوى مول القدرة.
مللي احصل وتعرا مع خونا المدني مول الفرشة. المدني تقلق أو صاح: (داكشي ديال الكعلم كلوا باطل ونباح) را الهركاوي، حاضي ما كيل من الصحيح غرو غير الخاوي، والنظرة فولات الحولي ولعجل والسقايط، فيك أسيدي العايدي أو ريحة الشوا للي كتشد ولد البلاد والبراني.
ها الكعلم جاك أخويا المدني، جاب التعوريط من قاموس الطلبة وحلف ليك بسيد لغليمي وسيد العايدي أو بويا عمر، شوف من حالي لفرشة ما شي ديالي.
راني غير حاضي، باغي حقي فهاد الزمان للي عراني ما قدني تعليم، كلت ندير فيها صحافي من السوق لسوق وهداك شي غير أسبوعي.
ها العار أنا كعلم قروي، بغيت ندير فيها صحافي سواقي، نجمع لخبار غير من عند الدراري.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *