المستشار المستهدف في قضية الهجوم على مركز اولاد سعيد ضواحي سطات راسل جهات عليا

ملف الهجوم على مقهى أولاد سعيد يطفو من جديد ، الفصيل القضائي ديال برشيد كيحقق مع أحد الأعضاء العصابة البارزين في قضية الهجوم على مقهى بمركز أولاد سعيد ضواحي سطات ، بعدما تسرب فيديو كنار في الهشيم على المواقع التواصل الاجتماعي ،فيها مجموعة مثلمين يحملون أسلحة بيضاء هجمو على المقهى وسط ولاد سعيد  .التحقيقات كشفت ان جهات سياسية وراء الهجوم ، بعدما تحركت القيادة الجهوية لدرك الملكي ومشطت المنطقة لاعتقال المتورطين.
العصابة لشدو درك سطات كانوا باغي يصفوها لواحد المستشار في المعارضة ديال جماعة أولاد سعيد ، حيث كانوا كيقلبوا عليه وباغين يقتلوه على حساب تصريح ديالو للجريدة، وهذا الشي كامل على حساب الانتخابات ، لابيجي ديال درك سطات شدت 9 ديال افراد العصابة في ظرف أسبوع وبدات التحقيقات حتى طاح اخر عنصر من العصابة في يد لابيجي ديال برشيد والقضية مرشحة للارتفاع وكذلك مزال كتروج اخبار على عنصر اخر ، خاصو يتشد باش يتحل هاد اللغز لحير ساكنة اقليم سطات .

مصدر موثوق ديال مجلة 24 كيقول مزال هناك رؤوس مدبرة  لهذا العملية في قفص الاتهام، والقضية في جهات نافذة كضغط على الملف باش تحبس قبل ما تطيح شي رؤس مشتبه بها ومعروفة وسط قبيلة ولاد سعيد .
المستشار المعارض ديال حزب الحصان طلع ليه الدم ،ودار شكاية للنيابة العامة بالرباط وكذلك القيادة العليا للدرك الملكي بالرباط كيشكي فيها ببطئ الملف ومحاولة طمس الحقائق ” نسخة من المراسلة بحوزة بمجلة 24″ ومزال متشبت بالاقوال ديالو.
ومن المحتمل إطاحة برؤوس من الوزن الثقيل في هذه القضية التي روعت ساكنة أولاد سعيد على حساب المصدر ديالنا.
يتبع …..