جماهير المغرب التطواني تطالب بتوفير خط جوي لحضور نهائي كأس العرش بين فريقها والجيش الملكي بأكادير

مجلة 24: محمد العربي اطريبش

طالب مشجعو فريق المغرب التطواني، من مسؤولي المدينة، بتوفير خط جوي بين تطوان و أكادير بثمن تحفيزي لتيسير تنقل جماهير فريق المدينة الأول “المغرب التطواني”، لمساندته وتشجيعه في المباراة التي سيجريها ضد فريق الجيش الملكي ضمن تصفيات نهائي كأس العرش يوم السبت 14 ماي 2022.

ودعا المدون آدم أفيلال عبر حائطه الفيسبوك المسؤول الترابي الأول عن إقليم تطوان السيد يونس التازي عامل المدينة و رئيس قسم الشؤون العامة السيد كريم أمنشار، بتوفير خط جوي بين تطوان وأكادير لتسهيل حضور الجماهير التطوانية لمباراة القمة بين فريق المغرب التطواني ونظيره الجيش الملكي.
وقال آدم في تدوينته: “الطريق طويلة بزاف لأكادير ماكراهناشي جمهور الحمامة كامل يمشي يتفرج في الفريق ؛ ماكراهناشي نعملو إنزال في أكادير نتفارجو في الفريق د المدينة و نرجعو فحالنا في نفس النهار بكل سهولة و بلا تعب”، مردفا بالقول ” نرجوكم حققو لينا هاد الحلم البسيط و الطلب المتواضع ، بغينا الطيارة من تطوان لأكادير الذهاب و الإياب … نرجوكم شوفو لينا”.

وفي السياق ذاته، أشار الكابو محمد المعروف ب”بوشيطا” إلى وجود مشكل يعيق حركة التنقل العادي من تطوان نحو أكادير، والمتمثل أساسا في استغلال البعض لمثل هكذا تظاهرات، التي تصبح فرصة للمضاربة عبر بيع التذاكر في السوق السوداء بأثمنة مبالغ فيها قصد جني مبالغ مالية و الانتفاع على حساب عشاق الأتلتيكو تطوان، ضاربين بالمصلحة العامة عرض الحائط.

ويضيف الكابو بوشيطا “الصراحة هاد المبارة الأجواء ديالا خاصة، و شوف واش تعاود ولا لاء، لكن عنا شي كروش فهاد المدينة مكيحشموشي، بنادم منظم و فنفس الوقت خسو يضرب بالو و يربح، الشيفورات طالبين البقرة ..”، متسائلا : ” علاش هاد الشي هذا ؟؟ علاش بنادم مكيفضلشي المصلحة العامة على المصلحة الشخصية ؟؟ شكون حسن واش تشوف 30 الف تطواني و ترجع بطل كأس العرش (مصلحة عامة)، ولا تربح 700 ولا 800 درهم (مصلحة شخصية) ؟؟ “، خاتما بالقول : “بنادم يترجل مع بعطو، حيت هذا بارطيدو و غيدوز متنساشي ..

وزاد المصدر ذاته قائلا: “كجمهور عنا مطلب واحد للسلطة و المسؤولين، هو تسهيل عملية التنقل، ملي كنقولو التسهيل كنعنيو به خسنا خطوط فالطيارة بثمن معقول مثلا 600 درهم مجموع الرحلة بين الذهاب والإياب، مضيفا “فعلاش عنا المطار فتطوان اذا مكوناشي غنستعملوه و نستغلوه فبحال هاد الظروف !! كذلك تسهيل الحصول على الرخصة د الكار، يعني يعطيو للدراري لي منظمين الرخص باش ينظمو الكيران فعوط سيبلنطيرات، و موالين سبلنطيرات ترجلو مع الجمهور و خاليو هاد الشي يدوز بخير و على خير …
وختم ذات المتحدث تدونيته بالقول أن جمهور الأتلتيكو تطوان كله أمل في أن يحرز فريقه هذا اللقب و إدخال الفرحة على ساكنة المدينة ومحبي الفريق، موجها في الآن نفسه رسالة شكر وتقدير للجمهور السوسي الأصيل على كرمه و حفاوة الترحاب التي أبداها قبيل تنقل عشاق الروخي بلانكو إلى عاصمة سوس المضيافة.

من جانبه أضاف الكابو محمد رابح المعروف ب”الديوانة” على أن هذا اللقب يحلم به كل فريق، و عليه ترك توصيات جد مهمة من بينها أن على جمهور تطوان التحلي بالرقي والتحضر كما هو معروف عليه ، فضلا على توجيه عشر مطالب لكافة مكونات تطوان ، جمهورا ومكتبا مسيرا و مسؤولون بالمدينة وهي :
1_ مطلوب من كل مشجع تطواني يلبس الزي الأبيض والأحمر فالمدرجات باش نرسمو لوحة فنية جميلة .

2_ المشجع لي ميطلعشي يشجع ويحمس دراري طيلة المباراة غير يبقى فالدار ديالو، حنا طالعين نشجعو ونحمسو الفرقة باش نرجعو بالكأس.

3_ الناس لي غيمشيو لأكادير مدنساوشي دخلو الملعب على بكري باش كنضمو راسنا ونعرفو شنو غنعملو حنا ماشين نجيبو معنا الكاس الغالية ماشي باش نتساراو.

4_ ممنوع على الجماهير شراء عدد كبير من تذاكر المباراة هنا فتطوان، كل واحد يشري ديالو باش كلشي يشري الورقة.

5_ بغينا نحمرو لوجه دالمدينة من خلال التنظيم ديالنا سواء على الطريق بين تطوان واكادير او فالملعب فجميع الظروف خصنا نكونو مثاليين ومنضمين.

6_ الشباب لي منضمين الرحلات تعاملو مع الجماهير بلا استغلال عارفين الرحلة فيها مصاريف بزاف لكن تعاملو مدقصحوشي على دراري.

7_ الشباب ديالنا لي متواجدين فاوروبا لي قادرين يحضرو المباراة مكرهناشي يحضرو بكثافة خاصة والظروف ملائمة من حيث وسائل النقل، والحضور ديالكم غيزيد من حماس الجماهير.

8_ رسالة للمكتب المسير بغينا يتم وضع نقط بيع التذاكر بتطوان والحرص كل الحرص على بيع تذكرة لكل مشجع ميتكررشي السيناريو دالمقابلة لي فاتت لاننا لن نتساهل مع كل واحد كيبيع ويشري فالجماهير.

9_ بالنسبة للمسؤولين كنتمناو يتم تسهيل عملية التنقل نحو اكادير لأن الشباب بغاو ينضمو رحلات ولكن المحطة الطرقية تلزم الشباب بضرورة الحصول على رخصة وهذا كيعرقل عملية التنقل، على السلطات تسهيل المأمورية والتعامل معنا.

10_ وأخيرا أي واحد عندو الغيرة على الفرقة هو مطالب يكون قدوة وعلى العاتق ديالو مسؤولية التنقل والعودة إن شاء الله في أمان وبكل روح رياضية ومعنا الكأس الغالية.