الشن الطن قصيدة بو زنداغة
زن زن يا الزنطاحي
وأنا ننشد عليك بكلامي
زن زن يا بو زنداغة
كلامي عليك معاني
لهبال فيك دار زعامة
فالسهول ولصحاري
لبيكوب ما دير رجلة
السمسار شغلو كلو هضرة
زعم وزطم هذيك هي النعرة
فيك فيك والفايس بوك ايواتك
ما فيك تمارة يا ولد الغدارة
ما فيك أخلاق ما عندك كمارة
حب الشكارة عماك والتجارة
مادرتي خير، لقهرة فيك علامة
ما شبهتي مربي فالرزانة
زن زن يا الزنطاحي يا بوزنذاعة
ما تروى معاني ما تغسل سنان كي الرجالة
فيك النعرة وضاقت بك ليام الدوارة
الراجل من فعايلو يبان ولو يلبس دربالة
شغل التكوين باغي الرزانة
والنضال فيه عطي لا تسنى احزارة
وا ليام أليام مالكي كثرتي علينا لحنزازة
شي بدل السمية وكي قلز من تحت الجلابة
غير زن زن يا بو زنداغة
غير كذب على الدراري ودير فيها زعامة
كون لخوخ يداوي كون دوا مول الصباغة
كون لمال يعلي، كون علا كل الشفارة
هذاك وسخ غير سير زن زن يا بورزنداغة
