طبيبتان بالمستشفى الإقليمي الحسن الثاني بسطات حاطو استقالتهم من الخدمة ديالهم والقضية حامضة

توصلت جريدة “مجلة 24 “من مصدر جيد الاطلاع أن طبيبة الأشعة تخلات على المهام ديالها شي 5 أشهر من قسم الأشعة دون سابق إنذار ولكانت مكلفة بالسكانير وكذلك جهاز الشعاعية (الماموغرام) ديال الثدي ، وهذا الأسبوع حطات طبيبة أخرى مختصة في الحنجرة والأنف استقالتها للمدير ديال سبيطار ، وقالتو سيرو المحكمة انا مبقتيش باغيا نخدم في هذا السبيطار .
وفق المصدر ، الأمور لا تبشر بالخير داخل المستشفى الحسن الثاني ،ـ لي كلشي كتكلم على هاد النهار على الاستقالات المتتالية ولكانت صدمة الجميع بالقطاع .

وايضا الممرضين لخرجو تقاعد مكينش لعوضهم في بلايصهم ، سبيطار كلو غادي غير بالممرضين سطاجير لجابوهم من المعاهد الخاص كيعاونو الأطباء وكتعلمو في المرضى .وهذا الشي ماعجبش بعض الحقوقيين لي يمكن يصعدو في الاحتجاج الاسابيع المقبلة.
وفي اتصال هاتفي مع مسؤول بمندوبية الصحة ديال سطات لمعجبوش الحال ديال هذا الوضع ويضيف للموقع أن هاد الأطباء راهم تخلاو على الوظيفة بدون تقديم اي طلب أو استقالة .
وهذا طريقة ديال التخلي على الوظيفة العمومية بسبيطارت ضسرات بعد الاطباء لفضلو يخدمو في الكلينكات ولا يمشيو يفتح عيادة طبية ديالهم ، خاص المشرع المغربي يدير شي قانون يمنع هذا التخلي عن الخدمة العمومية  .